Breaking News : વડોદરાના ઓટો ડ્રાઈવરની દીકરીએ તુર્કીમાં જીત્યો ગોલ્ડ મેડલ

વડોદરાના એક ઓટો ડ્રાઈવરની દીકરી હિમાની હિરાનીએ તુર્કીમાં યોજાયેલી ઈન્ટરનેશનલ રેસલિંગ સ્પર્ધામાં અંડર-71 kg કેટેગરીમાં ગોલ્ડ મેડલ જીત્યો છે. તેમણે ફાઈનલમાં રશિયન ખેલાડીને હરાવી હતી. તેની જીતની તુલના દંગલની રિયલ જિંદગીની પ્રેરણાથી કરવામાં આવી રહી છે. જે એ દેખાડે છે કે, એક સાધારણ બ્રેકગ્રાઉન્ડમાંથી આવનારી હિમાનીએ આટલી મોટી સફળતા મેળવી છે.

દંગલ જોઈ હિમાની હિરાની કુશ્તી ચેમ્પિયન બની

હિમાની એક સાધારણ પરિવારમાંથી આવે છે. તેના પિતા પ્રકાશભાઈ ઓટો રિક્ષા ચલાવે છે. તેની માતા મીનાબેન હાઉસવાઈફ છે. હિમાની અને તેની બહેન મેઘા બંનેએ તેમના માતાપિતાએ “દંગલ” ફિલ્મ જોઈ પછી કુસ્તીને કારકિર્દી તરીકે પસંદ કરી. આ ફિલ્મમાં દર્શાવવામાં આવ્યું છે કે કેવી રીતે એક પિતા પોતાની પુત્રીઓને ચેમ્પિયન કુસ્તીબાજ બનવા માટે તાલીમ આપે છે. વાર્તાથી પ્રેરિત થઈને, પ્રકાશભાઈ અને મીનાબહેને તેમની પુત્રીઓના સ્વપ્નને ટેકો આપ્યો, અને બંને બહેનોએ વડોદરાના સલાટવાડામાં નારાયણ ગુરુ અખાડામાં તાલીમ લેવાનું શરૂ કર્યું.

વડોદરામાં થયું હિમાની હિરાનીનું સ્વાગત

વડોદરા પરત ફર્યા બાદ રેલવે સ્ટેશન પર હિમાની હિરાનીનું શાનદાર સ્વાગત કરવામાં આવ્યું હતુ. રેલવે સ્ટેશન પર પરિવાર , કોચ અને રેસલર ખેલાડીઓએ ઢોલ નગાડાની સાથે તેનું સ્વાગત કર્યું હતું. ગળામાં ગોલ્ડ મેડલ પહેરી હિમાનીને જોઈ માતા-પિતા ભાવુક થયા હતા. હવે હિમાનીની નજર નવેમ્બરમાં 2026માં યુએસએમાં રમાનારી વર્લ્ડ ચેમ્પિયનશીપમાં ભારતનું પ્રતિનિધિત્વ કરવા પર છે.

ઓટો ડ્રાઈવરની દીકરી હિમાની હિરાનીએ ગોલ્ડ મેડલ જીત્યો

સતત પ્રેક્ટિસ અને શિસ્તબદ્ધ તાલીમ દ્વારા, હિમાનીએ ઉચ્ચ સ્તરે સ્પર્ધા કરવા માટે જરૂરી તાકાત અને ટેકનિક વિકસાવી છે. તુર્કીમાં આંતરરાષ્ટ્રીય ચેમ્પિયનશિપમાં, તે 71 કિગ્રાથી ઓછી વજન કેટેગરીમાં ફાઇનલમાં પહોંચી હતી, જ્યાં તેનો સામનો એક રશિયન કુસ્તીબાજ સાથે થયો હતો. નિર્ણાયક મુકાબલામાં, હિમાનીએ તેના પ્રતિસ્પર્ધીને હરાવીને ગોલ્ડ મેડલ જીત્યો. આ જીત તેના જબરદસ્ત નિયંત્રણ અને આત્મવિશ્વાસને દર્શાવે છે. લોકો ઓટો ડ્રાઈવરની દીકરી હિમાનીની મહેનતના ખુબ વખાણ કરી રહ્યા છે. તમને જણાવી દઈએ કે, હિમાની હિરાનીની બહેન પણ એક કુસ્તી ખેલાડી છે.

બસ કંડક્ટરની દીકરીથી ઓલિમ્પિક સુધીની સફર, જાણો નિવૃત મહિલા રેસલર સાક્ષી મલિકની ઉપલબ્ધિઓ અહી ક્લિક કરો