Breaking News : જામનગરના વોટર પાર્કમાં દુર્ઘટના, 7 વર્ષના બાળકનું પાણીમાં ડૂબી જવાથી મોત, જુઓ Video

જામનગરમાં એક દુઃખદ ઘટના સામે આવી છે. શહેરના એક ખાનગી વોટર પાર્કમાં ડૂબી જવાથી 7 વર્ષના બાળકનું મોત થયું હોવાનું જાણવા મળ્યું છે. આ ઘટનાથી પરિવારજનોમાં શોકનું મોજું ફરી વળ્યું છે.

પ્રાપ્ત માહિતી મુજબ, બાળક પરિવાર સાથે વોટર પાર્કમાં ફરવા અને મનોરંજન માટે ગયું હતું. દરમિયાન કોઈ કારણસર બાળક પાણીમાં ડૂબી ગયું હતું. ઘટનાની જાણ થતાં જ સ્થળ પર હાજર લોકો અને પાર્કના સ્ટાફે બાળકને બહાર કાઢવાનો પ્રયાસ કર્યો હતો, પરંતુ તેને બચાવી શકાયું નહોતું.

બાળકને તાત્કાલિક સારવાર માટે હોસ્પિટલ ખસેડવામાં આવ્યું હતું, જ્યાં તબીબોએ તેને મૃત જાહેર કર્યું હતું. ત્યારબાદ બાળકના મૃતદેહને પોસ્ટમોર્ટમ માટે જામનગરની જી.જી. હોસ્પિટલ ખાતે ખસેડવામાં આવ્યો હતો.

આ અચાનક બનેલી ઘટનાથી પરિવારજનો પર દુઃખનો પહાડ તૂટી પડ્યો છે. બાળકના મોતના સમાચાર મળતા જ પરિવાર અને સગા-સંબંધીઓમાં શોકનો માહોલ છવાઈ ગયો હતો.

ઘટનાની જાણ થતાં પોલીસ પણ હરકતમાં આવી હતી અને સમગ્ર મામલે તપાસ શરૂ કરી છે. હાલ બાળક કેવી રીતે ડૂબ્યું અને ઘટનામાં કોઈ બેદરકારી હતી કે નહીં તે દિશામાં તપાસ ચાલી રહી છે.

જામનગરમાં મહિલાનો શિવ સાક્ષાત્કારના ખોટા દાવાનો વિજ્ઞાન જાથાએ કર્યો પર્દાફાશ, જુઓ Video