વડોદરા મહાનગરપાલિકાની બજેટ સંબંધિત સામાન્ય સભામાં વિપક્ષના કાઉન્સિલરોને સસ્પેન્ડ કરવામાં આવતા શહેરના રાજકારણમાં ભારે ગરમાવો જોવા મળી રહ્યો છે. મેયરે સભાની મર્યાદા ભંગ અને આદેશની અવગણના કરવાનો આક્ષેપ લગાવી વિપક્ષના તમામ 7 કાઉન્સિલરોને સસ્પેન્ડ કરવાનો નિર્ણય લીધો હતો. આ પગલાં બાદ સત્તાપક્ષ અને વિપક્ષ વચ્ચે તણાવ વધુ તેજ બન્યો છે. માહિતી મુજબ, વિપક્ષના નેતા ચંદ્રકાંત શ્રીવાસ્તવ સહિત અન્ય 6 કાઉન્સિલરોને સતત વિરોધ અને હોબાળો કરવા બદલ સસ્પેન્ડ કરવામાં આવ્યા. સામાન્ય સભા દરમિયાન વિપક્ષના સભાસદોએ કમિશનરને હાજર બોલાવવાની માંગ ઉઠાવી હતી, જેને સત્તાપક્ષના નેતાએ નકારી કાઢી હતી. આ મુદ્દે બંને પક્ષો વચ્ચે ઉગ્ર બોલાચાલી પણ થઈ હતી. 3.70 લાખનો ચેક જાહેરમાં કમિશનરને સોંપ્યો! સભા દરમિયાન વિપક્ષના સભાસદો છેલ્લા ત્રણ કલાકથી સતત બોલી રહ્યા હોવાની ફરિયાદ પણ સામે આવી હતી. આ દરમિયાન કાઉન્સિલર આશિષ જોશીએ તિરંગા યાત્રા માટે પોતાના ભાગે આવતા રૂ. 3.70 લાખનો ચેક જાહેરમાં કમિશનરને સોંપ્યો હોવાનો આક્ષેપ થયો છે. સાથે જ PRO વિભાગ દ્વારા થયેલી કથિત ગેરરીતિ અંગેની બુકલેટ પણ સોંપવામાં આવી હોવાનું કહેવાય છે. મેયર અને સિનિયર નેતાઓના આદેશની અવગણના તથા સભાની મર્યાદા ભંગ બદલ સસ્પેન્શનનો નિર્ણય લેવામાં આવ્યો હોવાનું સત્તાપક્ષનું કહેવું છે. બીજી તરફ, વિપક્ષના નેતા આશિષ જોશીએ બજેટ તેમજ સસ્પેન્શનના નિર્ણયની કડક શબ્દોમાં નિંદા કરી છે. સમગ્ર ઘટનાક્રમ બાદ વડોદરાના રાજકારણમાં ભારે ચકચાર મચી છે અને આગલા દિવસોમાં આ મુદ્દે વધુ રાજકીય તણાવ વધવાની સંભાવના વ્યક્ત કરવામાં આવી રહી છે. સુરતમાં સ્માર્ટ મીટર મુદ્દે ફરી વિવાદ, અડાજણના શિવ-શક્તિ એપાર્ટમેન્ટમાં DGVCL સામે ઉગ્ર વિરોધ Post navigation T20 WC Breaking : શિવમ દુબેએ 25 બોલમાં અડધી સદી ફટકારી, T20 વર્લ્ડ કપમાં પહેલીવાર કર્યો આ કમાલ Sourav Ganguly Biopic: સૌરવ ગાંગુલીની બાયોપિક પર આવ્યું મોટું અપડેટ, રાજકુમાર રાવ લોર્ડ્સમાં કરશે શૂટિંગ