ઇશાન કિશને ફરી એકવાર શાનદાર ઇનિંગ રમીને પોતાની પ્રતિભા દર્શાવી. ડાબા હાથના બેટ્સમેનએ નામિબિયા સામે માત્ર 20 બોલમાં અડધી સદી ફટકારી અને 24 બોલમાં 61 રન બનાવ્યા. ઇશાને તેની તોફાની ઇનિંગમાં છ ચોગ્ગા અને પાંચ છગ્ગા ફટકાર્યા, જેનો સ્ટ્રાઇક રેટ 254.17 હતો. આ અડધી સદી સાથે, ઇશાન કિશને બે મોટા રેકોર્ડ બનાવવામાં મહત્વપૂર્ણ ભૂમિકા ભજવી. ઈશાન કિશને અડધી સદી પૂરી કરતાની સાથે જ તે T20 વર્લ્ડ કપમાં અડધી સદી ફટકારનાર પ્રથમ ભારતીય વિકેટકીપર બની ગયો હતો. ધોની, દિનેશ કાર્તિક અને રિષભ પંત જેવા વિકેટકીપર T20 વર્લ્ડ કપમાં રમ્યા છે, પરંતુ તેઓ ક્યારેય અડધી સદી ફટકારી શક્યા નથી. ઈશાનની વિસ્ફોટક ઇનિંગને કારણે ભારતે T20 વર્લ્ડ કપના ઇતિહાસમાં સૌથી ઝડપી 100 રન બનાવવાનો રેકોર્ડ પણ બનાવ્યો. ટીમ ઈન્ડિયાએ માત્ર 6.5 ઓવર એટલે કે 41 બોલમાં 100 રન પૂરા કર્યા, જે એક વિશ્વ રેકોર્ડ છે. એટલું જ નહીં, ઇશાન કિશનની આક્રમક ઇનિંગને કારણે ભારતે T20 વર્લ્ડ કપમાં પાવરપ્લેનો સૌથી મોટો સ્કોર પણ નોંધાવ્યો. ટીમ ઈન્ડિયાએ પ્રથમ છ ઓવરમાં 86 રન બનાવ્યા, જે પાવરપ્લેમાં તેમનું શ્રેષ્ઠ પ્રદર્શન છે. ઇશાન કિશને પાવરપ્લેમાં જ અડધી સદી ફટકારી દીધી હતી અને તે આ સિદ્ધિ મેળવનાર માત્ર ત્રીજો ભારતીય બન્યો હતો. અગાઉ, કેએલ રાહુલ અને રોહિત શર્માએ આ સિદ્ધિ હાંસલ કરી છે. (PC: PTI/X) T20 World Cup Breaking : સૂર્યકુમાર યાદવ ફરી હાર્યો ટોસ, સંજુ સેમસનનું ફ્લોપ કમબેક Post navigation બાંગ્લાદેશમાં કેવી રીતે થાય છે મતોની ગણતરી? ચૂંટણી પરિણામો જાહેર કરવાની આવી હોય છે પ્રક્રિયા સાવધાન ! મોબાઈલમાંથી નેટવર્ક ગયું અને બેંક ખાતું સાફ : જાણો ઈ-સિમ દ્વારા મહિલા સાથે કેવી રીતે થઈ લાખોની છેતરપિંડી