તાજેતરના અહેવાલો સૂચવે છે કે ચીની સ્માર્ટફોન કંપની OnePlus ટૂંક સમયમાં યુએસ અને યુરોપમાં તેની કામગીરી બંધ કરી શકે છે. હવે, આ યાદીમાં ભારત પણ ઉમેરાયું છે. આવી જ અટકળો થોડા મહિના પહેલા સામે આવી હતી, જેનો કંપનીએ ઇનકાર કર્યો હતો. હવે એક નવા અહેવાલમાં દાવો કરવામાં આવ્યો છે કે OnePlus આ અઠવાડિયે યુએસ અને યુરોપમાંથી બહાર નીકળવાની જાહેરાત કરી શકે છે, જ્યારે આવતા વર્ષે એટલે 2027માં ભારતમાં કામગીરી બંધ કરી દેશે. કંપનીના ભવિષ્ય વિશેની આ અટકળો વચ્ચે, ગ્રાહકો આશ્ચર્ય પામી રહ્યા છે કે શું તેમણે હમણાં OnePlus ફોન ખરીદવો જોઈએ કે નહીં તેમજ શું ફોન બંધ થઈ જશે તેને લઈને અટકળો ચાલી રહી છે ત્યારે શું સત્ય છે ચાલો જાણીએ.

શું OnePlus સંપૂર્ણપણે બંધ થઈ જશે? : હાલના અહેવાલો સૂચવે છે કે કંપની ફક્ત ચીની બજાર પર ધ્યાન કેન્દ્રિત કરવા માટે ચોક્કસ બજારોમાંથી બહાર નીકળી રહી છે. આનો અર્થ એ છે કે કંપની સંપૂર્ણપણે બંધ થઈ રહી નથી; તે અસ્તિત્વમાં રહેશે. વધુમાં, Oppo-OnePlus ની પેરેન્ટ કંપની ખાતે કામગીરી હંમેશની જેમ ચાલુ રહેશે. ઘણા પ્રદેશોમાં, OnePlus વેબસાઇટ ગ્રાહકોને Oppo ઉત્પાદનો તરફ રીડાયરેક્ટ કરી રહી છે, જે સૂચવે છે કે OnePlus ના બહાર નીકળ્યા પછી Oppo તે બજારોમાં હાજરી જાળવી રાખશે. કંપની બંધ થવા પાછળ અનેક કારણો છે જેમાં OnePlus તેની પેરેંટ કંપનીને રીસ્ટ્રક્ચર કરવા માટે આ સાથે સોફ્ટવેરમાં બદલાવ અને રિટેલ અને રિટેલ અને ઓફલાઈ સ્ટોરના વિવાદને લઈને પણ બંધ થઈ રહી હોવાની પ્રાથમિક માહિતી છે.

OnePlusની Android સ્કિન બંધ કરવામાં આવશે ? : તાજેતરમાં એવી માહિતી સામે આવી હતી કે OnePlus અને Realme ટૂંક સમયમાં તેમના સંબંધિત Android સ્કિન બંધ કરી શકે એટલે કે કસ્ટમાઈઝ કે ડિઝાઈન બદલી શકે છે. તેમની મૂળ કંપની, Oppo એ તેમના સ્માર્ટફોન વ્યવસાયનું પુનર્ગઠન કરવાનો નિર્ણય લીધો છે; પરિણામે, ભવિષ્યના OnePlus ઉપકરણો OxygenOS ને બદલે Oppo ની Android સ્કિન, ColorOS પર ચાલશે, જ્યારે Realme ઉપકરણો Realme UI થી ColorOS પર સ્વિચ કરશે.

શું તમારે હમણાં OnePlus ફોન ખરીદવો જોઈએ? છ કેટલાક લોકો વિચારી રહ્યા છે કે શું આ સમયે OnePlus ફોન ખરીદવો એ એક સમજદાર નિર્ણય છે. જવાબ એ છે કે જો તમે ફોન ખરીદો છો, તો OnePlus જ્યાં સુધી તેના ઓપરેશન્સ સક્રિય રહેશે ત્યાં સુધી ગ્રાહક અને સુરક્ષા અપડેટ સપોર્ટ પ્રદાન કરવાનું ચાલુ રાખશે.

યુઝર્સ પાસે ફોન હોય તો ક્યાં સર્વિસ કરાવી શકશે : જો OnePlus પછીથી તેના ઓપરેશન્સ બંધ કરશે, તો પણ Oppo તરફથી આ સપોર્ટ ચાલુ રહેશે. તાજેતરના એક અહેવાલમાં સૂચવવામાં આવ્યું છે કે Oppo તેના સ્માર્ટફોન વ્યવસાયનું પુનર્ગઠન કરી રહ્યું છે; આ પગલાના ભાગ રૂપે, OnePlus ની વેચાણ પછીની સેવા સપોર્ટને Oppo ના સર્વિસ નેટવર્કમાં એકીકૃત કરવામાં આવશે. આનો અર્થ એ છે કે જો તમને તમારા OnePlus ફોનમાં કોઈ સમસ્યા આવે છે, તો તમે તેને Oppo સેવા કેન્દ્ર પર સર્વિસ કરાવી શકશો.

યુઝર્સની ફરિયાદ આવી રહી સામે : જો તમે હાલમાં OnePlus ફોન ખરીદવાનું વિચારી રહ્યા છો, તો કેટલાક હાલના યુઝર્સ દ્વારા ઉઠાવવામાં આવેલી ફરિયાદો ધ્યાનમાં લેવા જેવી છે. TechAdvisorના એક અહેવાલમાં જણાવાયું છે કે કંપનીનો કસ્ટમર સપોર્ટ રિપેર અને રિપ્લેસમેન્ટ અંગે ગ્રાહકોને સંતુષ્ટ કરવામાં નિષ્ફળ રહ્યો છે. ઘણા યુઝર્સ વાસ્તવિક રિપ્લેસમેન્ટને બદલે વાઉચર્સ પ્રાપ્ત કર્યાની જાણ કરી છે. પરિણામે, જો OnePlus ભારતીય બજારમાંથી બહાર નીકળી જાય તો આફ્ટર-સેલ સર્વિસની સ્થિતિ કેવી દેખાશે તે હજુ સ્પષ્ટ નથી.

આ છે ભારતનો સૌથી સસ્તો પોસ્ટ પેઈડ પ્લાન ! કિંમત માત્ર 199 રુપિયા, આ સ્ટોરી વાંચવા અહીં ક્લિક કરો