Breaking News : સુરેન્દ્રનગરમાં દુધરેજ પાસે જ્વલનશીલ પદાર્થ ભરેલી માલગાડી પાટા પરથી ઉતરી, અનેક ટ્રેનોને અસર, જુઓ Video

સુરેન્દ્રનગર જિલ્લામાં રેલવે ટ્રેક પર એક મોટી ઘટના સામે આવી છે. દુધરેજ ગામ નજીક આવેલા મામાના મંદિર પાસે જ્વલનશીલ પદાર્થ ભરીને આવી રહેલી એક માલગાડીના અનેક ડબ્બા પાટા પરથી ઉતરી ગયા હતા. આ અકસ્માત રાજકોટ-સુરેન્દ્રનગર રેલવે ટ્રેક પર બન્યો છે, જેના કારણે આ માર્ગ પરનો ટ્રેન વ્યવહાર સંપૂર્ણપણે પ્રભાવિત થયો છે.

મળતી માહિતી મુજબ, આ ઘટનાને પગલે રેલવે તંત્રમાં ભારે દોડધામ મચી ગઈ છે. ઘટનાની જાણ થતાં જ રેલવેના ઉચ્ચ અધિકારીઓ, ટેકનિકલ ટીમો અને પોલીસ કાફલો સ્થળ પર પહોંચી ગયા હતા. સદભાગ્યે, આ પેસેન્જર ટ્રેન ન હોવાથી કોઈ જાનહાનિ થઈ નથી, જે એક રાહતની વાત છે. ટ્રેનના ડ્રાઇવરે સમયસર ટ્રેનને થોભાવી દેતાં મોટી દુર્ઘટના ટળી હતી.

આ અકસ્માતને કારણે ભાવનગર, અમદાવાદ અને વિરમગામથી આવતી લાંબા અંતરની ટ્રેનોના સમયપત્રક પર પણ અસર થવાની શક્યતા છે. ટેકનિકલ સ્ટાફ દ્વારા ડબ્બાને પાટા પરથી હટાવીને રેલવે વ્યવહાર પુનઃસ્થાપિત કરવાની કામગીરી ચાલી રહી છે, પરંતુ જ્વલનશીલ પદાર્થને કારણે અત્યંત સાવચેતી રાખવામાં આવી રહી છે.

ગુજરાતના ગીર સોમનાથ જિલ્લાના તાલાલા નજીક ભૂકંપનો હળવો આંચકો, જુઓ Video