Leopard Safety Tips : દીપડાથી બચવા શું કરવું? દરેકે જાણવી જોઈએ આ મહત્વની સાવચેતીઓ

દીપડો સામાન્ય રીતે માણસ પર હુમલો કરવાનું ટાળે છે. પરંતુ જો તે અચાનક સામે આવી જાય તો સૌથી પહેલા ગભરાવું નહીં. દોડી જવું કે બૂમાબૂમ કરવી જોખમી બની શકે છે. શાંત રહો અને પરિસ્થિતિને સમજીને આગળનું પગલું ભરો.

દીપડાની સામે ક્યારેય પીઠ ફેરવીને ભાગશો નહીં. આમ કરવાથી દીપડાને તમારો પીછો કરી શકે છે. તેના બદલે ધીમે-ધીમે પાછળ ખસો અને સતત દીપડા પર નજર રાખો. કોઈપણ અચાનક હલનચલન ટાળો.

જો તમે એકલા હોવ તો પોતાને મોટા દેખાડવાનો પ્રયાસ કરો. હાથ ઊંચા કરો, જેકેટ ફેલાવો અથવા કોઈ કપડું પહોળું કરીને ઊભા રહો. જો તમારી સાથે અન્ય લોકો હોય તો બધા નજીક રહીને એક જૂથમાં ઊભા રહો. જૂથમાં રહેલા લોકોને જોઈને દીપડો ઘણીવાર દૂર જતો રહે છે.

સવારે મોર્નિંગ વોક માટે અથવા એકલા બહાર નીકળતા સમયે ખાસ સાવચેત રહો. શક્ય હોય ત્યાં સુધી એકલા જવાના બદલે બે-ત્રણ લોકો સાથે જ બહાર નીકળો. જો બાઈક પર જવું હોય તો સૂમસામ રસ્તાઓ અને જંગલ કે ઝાડીવાળા વિસ્તારોમાં બિનજરૂરી રીતે ન જવું.

જો તમારા વિસ્તારમાં દીપડો જોવા મળ્યાની માહિતી મળી હોય, તો શક્ય હોય ત્યાં સુધી બાઈક પર બહાર નીકળવાનું ટાળો. તેના બદલે કારમાં મુસાફરી કરવાનું વધુ સુરક્ષિત માનવામાં આવે છે. ખાસ કરીને વહેલી સવારે, મોડી સાંજે અથવા રાત્રિના સમયે બાઈક પર એકલા જવાનું ટાળો અને અનિવાર્ય ન હોય તો બહાર નીકળવાનું પણ મુલતવી રાખો.

જો આસપાસ દીપડો જોવા મળ્યાની માહિતી મળી હોય તો વહેલી સવારે અથવા મોડી સાંજે બહાર નીકળવાનું ટાળો. કોઈપણ શંકાસ્પદ હલચલ દેખાય તો તરત જ સુરક્ષિત સ્થળે પહોંચી જાઓ અને વન વિભાગ અથવા પોલીસને જાણ કરો. તમારી સુરક્ષા સૌથી મહત્વની છે.

નાના બાળકો સાથે હોવ તો તેમને તરત જ તમારી નજીક રાખો અથવા શક્ય હોય તો ખોળામાં લઈ લો. બાળકોને દોડવા કે ચીસો પાડવા ન દો. પાળેલા પ્રાણીઓ હોય તો તેમને પણ કાબૂમાં રાખો, કારણ કે દીપડાનું ધ્યાન તેમની તરફ જઈ શકે છે.

જો દીપડો ખૂબ નજીક આવી જાય તો શાંત પરંતુ મક્કમ અવાજમાં બોલો. તેને ડરાવવા માટે ધીમે અવાજ કરો, પરંતુ પથ્થર ફેંકવા અથવા ઉશ્કેરવાનો પ્રયાસ ન કરો. જો દીપડો પાછો હટી રહ્યો હોય તો તેને જવા માટે પૂરતી જગ્યા આપો.

દીપડો ત્યાંથી દૂર જાય પછી તરત જ સુરક્ષિત સ્થળે પહોંચી જાઓ. આસપાસના લોકોને પણ સાવચેત કરો, પરંતુ કોઈને દીપડાને જોવા માટે ભેગા થવા પ્રોત્સાહિત ન કરો. ભીડ એકત્ર થવાથી પરિસ્થિતિ વધુ જોખમી બની શકે છે.

જો તમારા વિસ્તારમાં દીપડો જોવા મળ્યો હોય તો તરત જ વન વિભાગ અથવા સ્થાનિક પોલીસને જાણ કરો. અધિકારીઓને સાચી માહિતી આપો અને તેઓ આવે ત્યાં સુધી તેમના સૂચનોનું પાલન કરો. દીપડાને પકડવાનો કે તેની નજીક જઈને ફોટો અથવા વીડિયો બનાવવાનો પ્રયાસ બિલકુલ ન કરો.

સૌથી મહત્વની વાત એ છે કે દીપડો પણ એક જંગલી પ્રાણી છે અને તે મોટાભાગે માણસોથી દૂર રહેવાનું પસંદ કરે છે. શાંતિ, સાવચેતી અને સમજદારીથી વર્તશો તો અકસ્માતની શક્યતા ઘણી હદ સુધી ઘટાડી શકાય છે. (નોધ :પબ્લિક ડોમેનમાં ઉપલબ્ધ માહિતી અનુસાર આ સ્ટોરી ફાઈલ કરવામાં આવી છે.) All photo credit : gettyimages

Crispy Corn Bhajiya Recipe : વરસાદની મોસમમાં ઘરે બનાવો કરકરા મકાઈના ભજીયા, જાણો સરળ રેસીપી આ સ્ટોરી વાંચવા અહીં ક્લિક કરો