US-Israel-Iran War: યુદ્ધ હવે ડિજિટલ મોરચે! ઈરાનની હિટ લિસ્ટમાં મોટી ટેક કંપનીઓ

મિડલ ઈસ્ટમાં અમેરિકા, ઈઝરાયેલ અને ઈરાન વચ્ચે ચાલી રહેલી યુદ્ધ હવે ખતરનાક વળાંક લઇ રહ્યું છે. ઈરાને હવે એક નવી યાદી જાહેર કરી છે જેમાં જણાવ્યું છે કે ઈઝરાયેલ, દુબઇ, અભુ ધાબી અને પશ્ચિમી એશિયાના અન્ય સ્થળો પર આવેલી અમેરિકાની મોટી ટેક્નોલોજી કંપનીઓજેવી કે Google, Amazon, Microsoft, Nvidia, IBM, Oracle અને Palantirના ઓફિસો પર હુમલો કરવામાં આવશે. આ યાદી સામે આવતા જ હવે આ કંપનીઓને એલર્ટ પર રાખવામાં આવી છે.

ઈરાન સાથે જોડાયેલ ન્યુઝ એજન્સિ ‘Tasnim’એ હાલમાં જ આ લિસ્ટને બહાર પાડી છે. આ લિસ્ટમાં જણાવાયું છે કે ઈરાન હવે અમેરિકાની મોટી ટેક કંપનીઓની ઓફિસ અને ઇન્ફ્રાસ્ટ્રક્ચરને ટાર્ગેટ કરશે. ઈઝરાયેલએ આ કંપનીઓની ટેકનોલોજીનો ઉપયોગ સૈનિક કામો માટે કર્યો છે, અને એ જ કારણ છે કે હવે આ કંપનીઓ ઈરાનની હિટ લિસ્ટમાં સામેલ થઇ ગઈ છે.

જે ઓફિસો અને ક્લાઉડ‑સર્વિસ ઇન્ફ્રાસ્ટ્રક્ચરનો ઉલ્લેખ કરવામાં આવ્યો છે, તે ઈઝરાયેલના અનેક શહેરોમાં તેમજ કેટલાક ખાડી દેશોમાં પણ ફેલાયેલું છે. તસનિમ ન્યૂઝ એજન્સીના એક નિવેદન અનુસાર, હવે આ યુદ્ધ ઇન્ફ્રાસ્ટ્રક્ચર પર કેન્દ્રિત યુદ્ધનો સ્વરૂપ લઈ રહ્યું છે, જેના કારણે ઈરાનના સંભવિત લક્ષ્યો (ટાર્ગેટ્સ)નો વિસ્તાર પણ વધ્યો છે.

Amazon Data Centre પર હુમલો

છેલ્લા એક અઠવાડિયામાં, ખબર મુજબ ઈરાનના ડ્રોન દ્વારા બેહરિનમાં Amazon Web Services (AWS)ના એક ડેટા સેન્ટર પર હુમલો કરવામાં આવ્યો હતો અને યુનાઇટેડ આરબ અમીરાતમાં AWSના બે અન્ય ઇન્ફ્રાસ્ટ્રક્ચરને ટાર્ગેટ કરવામાં આવ્યા હતા.આ હુમલાથી આગ લાગી, સેવાઓ બંધ થઈ ગઈ અને ઇમર્જન્સી શટડાઉન કરવું પડ્યું. CNNના રિપોર્ટ મુજબ, ઈરાનના સરકારી મીડિયાએ જણાવ્યું કે આ ડેટા સેન્ટરોનું યુનાઇટેડ સ્ટેટ્સ અને ઈઝરાયેલના સૈનિક ઓપરેશન્સ સાથે સંકળાયેલ હોવાથી તેઓને ટાર્ગેટ બનાવવામાં આવ્યો હતો.

Breaking News: ઈરાનના નવા સુપ્રીમ લીડર મુજ્તબા ખામેનેઈ કોમામાં હોવાનો દાવો, એક પગ ગુમાવ્યાની પણ ચર્ચા