લખનૌ સુપર જાયન્ટ્સે IPLની શરૂઆતમાં સતત બે સિઝનમાં પ્લેઓફમાં સ્થાન મેળવી પોતાની ઓળખ ઉભી કરી હતી. જોકે, IPL 2024માં ટીમનું પ્રદર્શન નિરાશાજનક રહ્યું અને તે સાતમા સ્થાને રહી. આ પરિણામ બાદ ટીમની અંદર અસંતોષ પણ સામે આવ્યો હતો. IPL 2025 માટે રાહુલને હટાવીને રિષભ પંતને રેકોર્ડ 27 કરોડ રૂપિયામાં ટીમમાં સામેલ કરીને કેપ્ટન બનાવવામાં આવ્યો હતો. પ્લેઓફ નહીં, ચેમ્પિયન બનવાનું લક્ષ્ય પંતની આગેવાનીમાં પણ ટીમનું નસીબ ખાસ બદલાયું નહીં અને ફરીથી લખનૌ સાતમા સ્થાને જ રહી. આ કારણે ગોએન્કાએ હવે IPL 2026 પહેલા સ્પષ્ટ કર્યું છે કે માત્ર પ્લેઓફ સુધી પહોંચવું પૂરતું નથી, ટીમે હવે ચેમ્પિયન બનવાનું લક્ષ્ય રાખવું પડશે. ગોએન્કાએ પંત પર વિશ્વાસ વ્યક્ત કર્યો ગોએન્કાએ પંતનો બચાવ કરતાં કહ્યું કે ગયા સિઝનમાં ઈજાઓને કારણે તે પોતાનું સંપૂર્ણ યોગદાન આપી શક્યો નહોતો. તેણે વિશ્વાસ વ્યક્ત કર્યો કે આ સિઝનમાં પંત વધુ સારા પ્રદર્શન સાથે ટીમને આગળ લઈ જશે. સાથે જ કેપ્ટનશીપ બદલવાની અફવાઓને પણ તેમણે નકારી કાઢી. LSG owner Sanjiv Goenka backs skipper Rishabh Pant to do well in the IPL 2026 #SanjivGoenka #RishabhPant #LSG #IPL2026 #CricketTwitter pic.twitter.com/kLXlwrSRwQ — InsideSport (@InsideSportIND) March 26, 2026 મજબૂત ભારતીય બોલિંગ યુનિટ તૈયાર આગામી સિઝન માટે ટીમે ખાસ કરીને બોલિંગ વિભાગમાં સુધારા કર્યા છે. ગોએન્કાના જણાવ્યા મુજબ, ગયા વર્ષે મુખ્ય બોલરોની ઈજાઓ ટીમ માટે મોટો પડકાર બની હતી. આ વખતે મજબૂત ભારતીય બોલિંગ યુનિટ તૈયાર કરવામાં આવ્યું છે અને ટીમ હવે વધુ સંતુલિત દેખાય છે. LSG પ્રથમ IPL ટ્રોફી જીતે તેવી આશા ગોએન્કાએ અંતમાં ભારપૂર્વક કહ્યું કે વ્યક્તિગત પ્રદર્શન કરતાં ટીમ તરીકે રમવું વધુ મહત્વનું છે. તેમણે આશા વ્યક્ત કરી કે લખનૌ સુપર જાયન્ટ્સ આ સિઝનમાં એક યુનિટ તરીકે મેદાનમાં ઉતરીને પોતાની પ્રથમ IPL ટ્રોફી જીતવામાં સફળ રહેશે. Breaking News: IPL 2026 માં વિરાટ કોહલી ક્યારે એક્શનમાં જોવા મળશે? જાણો RCB નું સંપૂર્ણ શેડ્યૂલ Post navigation US Iran War : અમેરિકા-ઇઝરાયલ સાથે યુદ્ધ રોકવા માટે ઇરાનની 5 શરત, GFX વડે સમજો, જુઓ Video