IPL 2026: વિરાટ કોહલીએ ફિફ્ટી ફટકારીને પણ RCB નું કરાવી દીધું નુકસાન, બે ભૂલને કારણે ટીમ મુશ્કેલીમાં મુકાઇ

Virat Kohli એ Indian Premier League 2026ની 20મી મેચમાં Royal Challengers Bangalore તરફથી રમતાં Mumbai Indians સામે અડધી સદી નોંધાવી, પરંતુ તેમની કેટલીક ભૂલો ટીમ માટે મુશ્કેલીનું કારણ બની.

આ મુકાબલામાં RCBએ શાનદાર બેટિંગ કરતા 20 ઓવરમાં માત્ર ચાર વિકેટ ગુમાવીને 240 રનનો મોટો સ્કોર ઉભો કર્યો હતો. મુંબઈ ઈન્ડિયન્સના બોલરો માટે વિકેટ મેળવવી મુશ્કેલ બની હતી. કોહલીએ 38 બોલમાં 50 રનની મહત્વપૂર્ણ ઇનિંગ રમી, જેમાં પાંચ ચોગ્ગા અને એક છગ્ગાનો સમાવેશ થાય છે. તેમ છતાં, તેમની ઇનિંગ દરમિયાન તેઓ સામાન્ય લયમાં જોવા મળ્યા નહોતા અને મોટા શોટ રમવામાં સંઘર્ષ કરતા નજર આવ્યા.

મેચ દરમિયાન સૌથી મોટી ચર્ચાનો વિષય રહ્યો તેમના બે DRS રિવ્યૂ. કોહલીએ બંને વખત અમ્પાયરનો નિર્ણય પડકાર્યો, પરંતુ બંને નિર્ણય ખોટા સાબિત થયા. પરિણામે, RCBએ 15 ઓવરમાં જ બંને રિવ્યૂ ગુમાવી દીધા, જે આગળ જઈને ટીમ માટે જોખમકારક બન્યું.

પહેલો બનાવ 9મી ઓવરમાં થયો, જ્યારે Mitchell Santnerની બોલિંગ સામે કોહલીએ વાઈડનો દાવો કર્યો હતો, પરંતુ થર્ડ અમ્પાયરે તેને ન આપી. બીજો બનાવ 15મી ઓવરમાં થયો, જ્યારે Hardik Pandyaના શોર્ટ બોલ પર કોહલી પુલ શોટ રમવામાં નિષ્ફળ રહ્યા અને અમ્પાયરનો નિર્ણય પડકાર્યો, જે ફરી ખોટો નીકળ્યો.

આ બંને ખોટા રિવ્યૂનો અસર અંતિમ ઓવરોમાં જોવા મળ્યો. 19મી ઓવરના પાંચમા બોલ પર સ્પષ્ટ વાઈડ હોવા છતાં અમ્પાયરે નિર્ણય આપ્યો નહોતો, પરંતુ ટીમ પાસે રિવ્યૂ બાકી ન હોવાથી Tim David તેને ચેલેન્જ કરી શક્યા નહોતા. આ પરિસ્થિતિમાં કોહલીના પહેલાંના નિર્ણય ટીમ માટે મોંઘા સાબિત થઈ શક્યા હોત.(All Image – BCCI)

IPL 2026માં બની ગયો મહા રેકોર્ડ, શુભમન ગિલે વિરાટ કોહલીને પછાડ્યો, જુઓ