અમેરિકામાં આરોગ્ય સેવાઓ કેટલી મોંઘી છે, તેનો નમૂનો સોશિયલ મીડિયા પર વાયરલ થઈ રહેલા એક નવા કિસ્સામાં જોવા મળી રહ્યો છે. છેલ્લા 15 વર્ષથી અમેરિકામાં રહેતા નિતિન મલ્હોત્રા નામના એક NRI એ જ્યારે પોતાના એક દાંતને કઢાવવાનું 2,500 ડોલર એટલે કે લગભગ 2.37 લાખ રૂપિયાનું બિલ (Rs 2.37 Lakh To Remove A Tooth) જોયું, તો તેના હોશ ઊડી ગયા. ડેન્ટલ ઇન્સ્યોરન્સ હોવા છતાં પણ ખિસ્સામાંથી આટલી મોટી રકમ ચૂકવવાની વાત સાંભળીને સોશિયલ મીડિયા પર ચર્ચા શરૂ થઈ ગઈ છે કે, આખરે પશ્ચિમી દેશોમાં મેડિકલ અને ડેન્ટલ કેર આટલી મોંઘી કેમ થઈ રહી છે? અમેરિકી ડેન્ટલ બિલનું ચોંકાવનારું સત્ય ઇન્સ્ટાગ્રામ પર @desidadinamerica એકાઉન્ટ પરથી શેર કરવામાં આવેલા આ વીડિયોમાં નિતિને જણાવ્યું કે, સામાન્ય દાંતના દુખાવા પછી જ્યારે તે ડૉક્ટર પાસે પહોંચ્યા, તો માત્ર એક્સ-રેના નામે જ 180 ડોલર (17,000 રૂપિયાથી વધુ) વસૂલવામાં આવ્યા. View this post on Instagram A post shared by Nitin Malhotra | NRI Life in USA (@desidadinamerica) વીમા કંપનીઓના તમામ દાવાઓ અને કપાત પછી પણ તેને પોતાના ખિસ્સામાંથી અઢી હજાર ડોલર આપવા માટે કહેવામાં આવ્યું. ભારત જેવા દેશોમાં રૂટ કેનાલ, દાંતની સફાઈ અને એક્સ્ટ્રેક્શન (દાંત કઢાવવા) જેવી મોટી પ્રોસિજર માત્ર 10,000 થી 20,000 રૂપિયાની અંદર સરળતાથી થઈ જાય છે. ‘ફ્લાઇટની ટિકિટ પણ આનાથી સસ્તી’ નિતિને પોતાના વીડિયોમાં કહ્યું કે, અમેરિકાથી ભારત જવાની અને પાછા આવવાની ફ્લાઇટ ટિકિટ લગભગ 1,200 ડોલર (લગભગ 1.14 લાખ રૂપિયા) ની છે. એવામાં અમેરિકામાં ઇલાજ કરાવવા કરતાં તો વધુ સારું એ છે કે, તે ભારતની ટિકિટ બુક કરાવે. ત્યાં પોતાના આખા દાંતની સફાઈ અને ઇલાજ કરાવે તેમજ રજાઓ માણીને પાછો આવી જાય. આ ઓપ્શન તેને આર્થિક રીતે વધુ સમજુતીભર્યો લાગ્યો. લોકોની પ્રતિક્રિયાઓ આ વીડિયો જોતજોતામાં ઇન્ટરનેટ પર વાયરલ થઈ ગયો. હજારો નેટિઝન્સે આના પર કમેન્ટ કરીને અમેરિકાની મોંઘી મેડિકલ વ્યવસ્થા પર કટાક્ષ કર્યો. એક યુઝરે લખ્યું, ભાઈ કશું વિચાર્યા વગર ભારતની ફ્લાઇટ પકડી લે, ઇલાજ પણ થઈ જશે અને ફરવાનું પણ થઈ જશે. અન્ય એક યુઝરે લખ્યું કે, અમેરિકામાં દાંતનો ઇલાજ કરાવવો એ કોઈ લક્ઝરી કાર ખરીદવા જેટલો મોંઘો સોદો છે. Trending Video: બાથરૂમમાં પણ નહીં સમાય આટલું ‘મોટું ટૂથબ્રશ’, ગિનીસ વર્લ્ડ રેકોર્ડ્સ 2027 માં નામ દાખલ Post navigation ડરનો એવો માહોલ કે જોઈને રુંવાડાં ઊભા થઈ જશે, મોટા પડદે અજય દેવગણ લાવશે એક રહસ્યમય હોરર ફિલ્મ 03 September 2026 રાશિફળ: વેપાર, નોકરી અને રોકાણમાં આજે કોને મળશે મોટો લાભ?