‘ધુરંધર 2’નું સ્ટોક માર્કેટ કનેક્શન ! આ એક શેર પર ₹900 કમાવવાની તક, ફટાફટ ચેક કરો વિગત

આદિત્ય ધરની આગામી ફિલ્મ ‘ધુરંધર 2’ ને રિલીઝ પહેલા મળી રહેલા જબરદસ્ત પ્રતિસાદને કારણે બુધવારે (18 માર્ચ) ઇન્ટ્રા-ડે ટ્રેડમાં PVR INOX લિમિટેડના શેરમાં આશરે 3 ટકાનો ઉછાળો જોવા મળ્યો હતો. રણવીર સિંહ સ્ટારર આ ફિલ્મ આવતીકાલે એટલે કે 19 માર્ચ ગુરુવારે મોટા પડદા પર રિલીઝ થવાની છે પરંતુ રિલીઝ પહેલા જ તેને મળી રહેલા પ્રતિસાદથી PVR INOX ના શેરોમાં તેજી જોવા મળી છે.

‘ધુરંધર: ધ રિવેન્જ’ તેના પ્રથમ ભાગના માત્ર 3.5 મહિના બાદ રિલીઝ થઈ રહી છે અને તેણે એડવાન્સ બુકિંગમાં નવો ઇતિહાસ રચ્યો છે. ‘સેકનિલ્ક’ (Sacnilk) ના રિપોર્ટ અનુસાર, ફિલ્મનું એડવાન્સ બુકિંગ 200 કરોડ રૂપિયાને પાર કરી ગયું છે. આ સાથે જ તે પુષ્પા 2, RRR, બાહુબલી 2 અને લિયો જેવી ફિલ્મોની ક્લબમાં જોડાનારી પાંચમી ભારતીય તેમજ પ્રથમ હિન્દી ફિલ્મ બની ગઈ છે. ફિલ્મે માત્ર પ્રથમ દિવસ માટે જ 100 કરોડથી વધુનું એડવાન્સ બુકિંગ કરી લીધું છે.

એલારા કેપિટલ (Elara Capital) બ્રોકરેજે PVR INOX પર પોતાનું ‘BUY’ રેટિંગ જાળવી રાખ્યું છે અને 1,300 રૂપિયાનો ટાર્ગેટ પ્રાઈસ આપ્યો છે, જે વર્તમાન સ્તરથી આશરે 28 ટકા રિટર્ન સૂચવે છે. તેમના મતે, આ ફિલ્મ ભારતભરમાં 8,000 થી વધુ સ્ક્રીન પર રિલીઝ થશે અને તેની કુલ કમાણી 1,100 થી 1,300 કરોડ રૂપિયાની વચ્ચે રહી શકે છે.

પીએલ કેપિટલ (PL Capital) બ્રોકરેજ હાઉસે પણ ખરીદીની સલાહ સાથે 1,274 રૂપિયાનો ટાર્ગેટ આપ્યો છે. તેમનું માનવું છે કે, ટિકિટના ઊંચા ભાવ અને મોડી રાતના વધારાના ‘શો’ને કારણે નાણાકીય વર્ષ 2026 ના ચોથા ક્વાર્ટરમાં મલ્ટિપ્લેક્સ ઓપરેટરોની કમાણીમાં મોટો ઉછાળો આવશે.

PVR INOX ના શેર 1.58 ટકાના વધારા સાથે 1019.20 રૂપિયા પર ટ્રેડ થઈ રહ્યા હતા. જો અનુમાન મુજબ ફિલ્મ કમાણી કરશે, તો તે 1,000 કરોડનો આંકડો પાર કરનારી પ્રથમ હિન્દી ઓરિજિનલ ફિલ્મ બની શકે છે.

ચાર્ટ મુજબ, PVR INOX ના શેર માટે 16 એનાલિસ્ટ્સ દ્વારા કરવામાં આવેલા 1 વર્ષના અનુમાનમાં ખૂબ જ તેજીના સંકેતો મળી રહ્યા છે. આ શેર માટે સરેરાશ લક્ષ્યાંક (Average Target) ₹1,339.25 રાખવામાં આવ્યો છે, જે વર્તમાન ભાવથી આશરે 31.40% જેટલો ઉછાળો સૂચવે છે, જ્યારે નિષ્ણાતોનો મહત્તમ અંદાજ ₹1,920.00 સુધીનો છે, જે રોકાણકારો માટે 88.38% જેટલા માતબર વળતરની શક્યતા દર્શાવે છે. અત્યારે આ શેર ₹1,019.20 ની આસપાસ ટ્રેડ થઈ રહ્યો છે અને ચાર્ટ પર 1 વર્ષના ફોરકાસ્ટમાં જોવા મળી રહેલી ગ્રીન ઝોનની તેજી સ્પષ્ટ કરે છે કે, આગામી સમયમાં આ મલ્ટિપ્લેક્સ ઓપરેટરના શેરમાં રોકાણકારોને શાનદાર કમાણી થઈ શકે છે.

નોંધ: અહીં આપવામાં આવેલી માહિતી ફક્ત જાણકારી માટે છે. TV9 Gujarati કોઈપણ રીતે શેરમાં કે IPO માં પૈસા લગાવવાની કે વેચવાની સલાહ આપતું નથી. શેરબજારમાં રોકાણ સંભવિત જોખમ સાથે સંકળાયેલું છે. રોકાણ કરતા પહેલા તમારા નાણાંકીય સલાહકાર અથવા માર્કેટ એક્સપર્ટની સલાહ જરૂરથી લો.

Stock Market: સરકારી કંપનીમાં ‘BUY સિગ્નલ’ ! 45% ના તોતિંગ ઘટાડા બાદ હવે ઉછાળાની તૈયારી, બસ આ એક લેવલ પાર કરતા જ શેરમાં આવશે ‘તેજી’