ડાંગ જિલ્લાના સુબિર તાલુકામાં આવેલા લવચાલી ગામમાં ઉનાળાની શરૂઆત પહેલા જ ગંભીર જળ સંકટ સર્જાયું છે. છેલ્લા 26 વર્ષથી ધાણા જૂથ યોજના હેઠળ દહેર ગામથી મળતું પાણી એકાએક બંધ કરી દેવાતા સ્થાનિકો પીવા માટે ટીપે-ટીપે પાણી માટે વલખાં મારી રહ્યા છે. ગામ ઊંચાઈ પર હોવાથી મહિલાઓને 1 કિલોમીટર દૂર જોખમી રસ્તે ચાલીને પાણી લેવા જવું પડે છે. ગામલોકોની અનેક રજૂઆતો છતાં તંત્ર દ્વારા પાણી કેમ બંધ કરાયું તેનો સંતોષકારક જવાબ મળ્યો નથી. ઉનાળાની શરૂઆત પહેલા જ લવચાલી ગામમાં જળ સંકટ ઘેરાયું છે. 26 વર્ષથી ચાલતી યોજના એકાએક બંધ કરી દેવામાં આવી છે. શું સરકાર અને તંત્ર આ ગંભીર સ્થિતિની નોંધ લેશે? કે પછી વાતાનુકૂલિત ઓફિસોમાં બેઠેલા કર્મચારીઓ વડાપ્રધાનના ડ્રીમ પ્રોજેક્ટ પર આવી જ રીતે પાણી ફેરવતા રહેશે? જનતા હવે માત્ર આશ્વાસન નહીં, પણ ‘નળમાં પાણી’ માંગી રહી છે. જો સમસ્યા નહીં ઉકેલાય, તો ચૂંટણી બહિષ્કારનો મિજાજ સ્પષ્ટ બતાવે છે કે લોકો હવે છેતરાવા તૈયાર નથી. મહુડી મંદિર ટ્રસ્ટનો વિવાદ ઘેરો, સોનાની ઉચાપતના આરોપો પર આક્ષેપબાજી, વાંચવા માટે અહીં ક્લિક કરો Post navigation આણંદ: કરમસદની મેડિકલ હોસ્પિટલ વિવાદના વમળમાં, આયુષ્માન કાર્ડ સ્વીકારવાનો ઇનકાર કરી દર્દી પાસે મસમોટું બિલ વસૂલ્યું “ગુજરાતમાં મતોના વિભાજનથી કોંગ્રેસને નુકસાન, 60 ધારાસભ્યો ગુમાવ્યા”- પ્રતાપ દૂધાત